Министрліктің талдауына сүйенсек, Fly Arystan лоукост-әуекомпаниясы, шетелдік әуе компанияларымен салыстырғанда, бірнеше бағыт бойынша тиімді баға ұсынады. Мәселен, 6 қыркүйектегі Түркістан – Стамбұл бағытындағы билет құны 86 482 теңге. Ал осымен бірдей қашықтықтағы "Turkish Airlines" компаниясы Нұр-Сұлтан – Анталия арасына 1 қыркүйекте билет бағасын 286 823 теңгеге белгілеген.
Бұл бағытта қазақстандық "Эйр Астана" компаниясы, 1 қыркүйекте ұшатын болсаңыз, 186 474 теңге мөлшерінде алады.
"Барлық әуе компаниясы динамикалық баға саясаты жүйесін қолданады. Мәселен, ертерек брондалған билет құны ұшу алдында алынған билет бағасынан бірнеше есе төмен", – деп хабарлайды ведомстводан.
Отандық және шетелдік әуе компанияларындағы тариф құны кестеде толығырақ көрсетілген.
