Биылғы жылдың басынан Қазақстан аумағы арқылы контейнерлік транзиттік тасымал 351,6 мың ЖФБ (жиырмафуттық балама) құрады. Өткен жылдың сәйкес кезеңімен салыстырсақ, 38% көп.
"Қытай/Азия – Еуропа – Қазақстан – Қытай/Азия – Қытай/Азия негізгі контейнерлік транзит бойынша қарқын сақталып, Орталық Азия елдерімен қатынастағы контейнерлік тасымал 51% артып отыр",– деп хабарлады "ҚТЖ" баспасөз қызметі.
Сондай-ақ, Қазақстан аумағы бойынша контейнерлік транзиттік тасымал өзге де бағыттар бойынша өскен. Атап айтқанда, Траскаспий халықаралық көлік бағыты (ТХКБ) бойынша 2,9 мың ЖФБ контейнері жеткізілсе, бұл өткен жылғыдан 60% артық.
Бұл ретте, "ҚТЖ" ҰК" АҚ сенімді басқаруындағы Ақтау порты арқылы контейнерлік тасымал көлемі 1,8 мың ЖФБ құраған, бұл 2018 жылдың сәйкес кезеңінен 15 есеге көп.
