Жамбыл облысында қымбат көліктерді заңсыз тасымалдағаны үшін 52 жастағы Беларусь азаматы ұсталды, деп мәлім етті Қазақстан Ұлтттық қауіпсіздік комитеті Шекара қызметінің баспасөз қызметі.
Баспасөз қызметінің ақпараты бойынша, шетелдік азамат "Айшабибі авто" өткізу пункті арқылы Қазақстаннан Қырғызстанға өтпек болған кезінде ұсталды. Ол тіркемесі бар "Ивеко" автокөлігімен Литва–Ресей–Қазақстан–Қырғызстан–Тәжікстан бағдары бойынша келе жатқан. Ер адам шекарашыларға жүктің – 25 түрлі көліктің қосалқы бөлшектерінің құжатын көрсеткен.
"Көлікті инспекциялық-тексеру кешені арқылы байқау кезінде тіркемедегі көлік бөлшектері астынан екі көлік – LandCruser Prado-150 және BMW-X6 анықталды", делінеді хабарламада.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
