/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 432,23 Brent 36,55
Қазақстан автонарығы өсті

Қазақстан автонарығы өсті

2020 жылдың бірінші жарты жылдық нәтижесінде 36 150 машина сатылып, жаңа көліктер нарығы 12.2 %-ға артты.

14 Шілде 2020 11:32 151

Қазақстан автонарығы өсті

Сәуір айындағы құлдыраудан кейін мамыр айында өсім байқалды. Еліміз автомобиль сатылымы жақсы мемлекеттер арасында көш бастады. Бұл үрдіс маусым айында да жалғасын тапқан. Алты айдағы нәтиже бойынша ел нарығы былтырғы деңгейге жетті. 

Маусымда жаңа автокөліктер сатылымы былтырғы жылмен салыстырғанда 36.7 %-ға өсті. Қазақстандық дилерлер 9 163 жеңіл көлік пен жеңіл коммерциялық техника, 761 жүк көлігі мен автобус сатты. 

Жақсы сатылған жеңіл көліктер көшін Ravon R3 (2 041 седан) бастады. Екінші орында Lada Granta (1 915 дана) тұр. Үздіктер үштігін Hyundai Tucson (1 134 дана) түйіндеді. Ал төртінші орын 954 данасы иесін тапқан Lada 4x4 еншісінде. Үздіктер тізімінде Lada Vesta (897 дана) мен Toyota Camry (834 дана) модельдері бар. 

Олжас Оқас

Moody’s әлем бойынша автокөлік саудасының құлдырайтынын айтты

Агенттік 2020 жылғыы сатылым 20%-ға қысқарады деп отыр.

14 Мамыр 2020 12:13 176

Moody’s әлем бойынша автокөлік саудасының құлдырайтынын айтты

Халықаралық Moody’s рейтингтік агенттігі биыл темір тұлпарлардың саудасына қатысты жаңа болжам жасады. Соңғы мәліметпен ұйымның өкілдері бөлісті.

«Коронавирус пандемиясы экономиканы іркілтіп отыр. Сондықтан көлік сатылымы әлем бойынша 20%-ға қысқарады. Бұрынғы болжам бойынша 14% пайыз болады деп топшылаған едік», – дейді Moody’s қызметкерлері.

Агенттіктің есебінше, бұл көрсеткіш Еуропада 30%-ға, АҚШ-та 25%-ға төменудеуі ықтимал. Ал Қытайдағы нарық айтарлықтай зардап шекпейді. Бұл елдегі сауда көлемі небәрі 10%-ға кемиді.

Дегенмен Moody’s келесі жылы G20 елдерінің ЖІӨ 4,8%-ға өссе, автокөлік сатылымы 11,5%-ға артуы мүмкін екенін жоққа шығармады.

Джонс Хопкинс Университетінің соңғы мәліметіне сүйенсек, әлемде вирус жұқтырғандардың саны 4,3 миллионнан асып, оның 296 мыңы қайтыс болды. Осы күнге дейін аурудан 1,54 миллион адам жазылған. 

Табиғат Нұрболат

Фото: cnbc.com

«СарыарқаАвтоӨндіріс» «Азия Автоны» басып озды

Отандық автоөндірушілер арасында жаңа көшбасшы пайда болды. 

22 Қазан 2019 16:25 289

«СарыарқаАвтоӨндіріс» «Азия Автоны» басып озды

Биыл автонарықтағы бағалар жақсы жаққа өзгермесе де, шығарылып жатқан көлік саны артты. 2019 жылы қазақстандық автомобильдердің ай сайынғы үлесі 50%-дан төмен түспеген. Былтыр «Қазақстанда жасалған» деген жапсырмасы бар көліктерге сұраныс 49 %-ды құраса, биыл бұл көрсеткіш 58%-ға дейін жетті. 

ҚАБА хабарлағандай, 2019 жылдың тоғыз айында Қазақстанда 33 500 көлік құралы өндірілді, бұл өткен жылғы қаңтар-қыркүйек аралығындағы көрсеткіштен 47.5 %-ға артық. Ақшалай есептегенде де, биылғы нәтиже былтырғыдан 62.5%-ға (229 млрд теңге) жоғары. 

Жеңіл көліктердің үлесі үлкен – 29 846 дана (+41.2 %). Жүк көліктерінің өндірісі екі жарым есеге – 2 133 дана (+166 %), автобус өндірісі үш жарым есеге – 848 дана (+267 %) артты. Сонымен қатар, биыл 613 тіркеме және жартылай тіркеме (+58 %), 60 дана арнайы техника шығарылған. Былтыр үздіктер көшін бастаған өскемендік «Азия Авто» (Lada, Kia, Skoda, Uaz) биыл 14 443 техника өндіріп, 16 442 көлік құрастырған СарыарқаАвтоПромнан» (Hyundai, JAC, Ravon) қалып қойды. СеМАЗ «газельдерінің» өндірісі де нәтижені айтарлықтай жақсартты. Жыл соңына дейін олар 3 000 коммерциялық техника шығаруды жоспарлап отыр. 

Олжас Оқас