Құрама Штаттарда Қазақстан азаматшасы оққа ұшты, деп хабарлайды inbusiness.kz.
Бұл ақпаратты ҚР Сыртқы істер министрлігі растады.
Оған оқ атылғаны 16 ақпанда белгілі болды. Мәйіті Сент-Пол қаласының Пейн-Фален ауданындағы пиццерия маңында табылған.
Сот-медициналық сараптама оны Сент-Полдан келген 34 жастағы Юлия Ли екенін анықтады.
ҚР Сыртқы істер министрлігі оның Қазақстан азаматы екенін растады.
"2022 жылдың 16 ақпанында Миннесота штатының Сент-Пол қаласында Қазақстан Республикасының азаматшасы белгісіз жағдайда қаза тапты. Жергілікті полиция берген ақпарат бойынша, отандасымыз оқ жарақатынан өз автокөлігінде көз жұмды", – деп хабарлады ведомствоның баспасөз қызметі.
Полиция бұл оқиғаға қатысты тергеу жүргізіп жатыр.
"Қылмыс жасады деген күдікті қамауға алынды. Қазақстан консулы марқұмның туыстарымен байланыста", – деді министрлік.
Табиғат Нұрболат
