11 қарашадан бастап қазақстандықтар іскерлік және туристік мақсатта Иранда 14 күн бойы визасыз жүре алады. Бұл туралы Сыртқы істер министрлігінің ресми өкілі Айбек Смадияров хабарлады, деп жазады inbusiness.kz.
"Қазақстандықтар Иранға 14 күнге дейінгі мерзімге визасыз бара алады. Біздің азаматтар жарты жыл ішінде бұл елде 42 күнге дейін визасыз жүре алады. Яғни 180 күн ішінде 14 күндік визасыз үш сапар жасайды деген сөз. Аталмыш елде ұзақ мерзім болу үшін виза қажет", - деп түсіндірді ведомствоның ресми өкілі.
Спикердің айтуынша, Қазақстанға келгісі келетін Иран, Қытай және Үндістан азаматтары үшін де осындай ереже қолданылады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
