World Happiness Report әлемдегі ең бақытты елдердің рейтингісін жариялады, деп хабарлайды inbusiness.kz.
Қазақстан 146 елдің ішінен 40-орынға жайғасты. Еліміз соңғы екі жыл ішінде 50-орыннан 10 тармаққа көтерілді.
Ал Финляндия осымен бес жыл қатарынан әлемдегі ең бақытты ел ретінде танылды. Бестікке Дания, Исландия, Швейцария және Нидерланды кірді. Одан кейінгі орындарда – Люксембург, Израиль, Швеция, Жаңа Зеландия және Норвегия елдері.
Ресей 80-орынға дейін түсіп кетті. 2021 жылы ол 60-орынға табан тіреген еді. Тізімнің ең соңында Ауғанстан елі тұр.
World Happiness Report баяндамасын БҰҰ-ның тұрақты даму шешімдерін іздеу жөніндегі бөлімшесі жыл сайын жасап тұрады. Мамандар әлемнің 146 елін бағалады. Өмір сүру ұзақтығы, әлеуметтік қолдау, сыбайлас жемқорлық және тағы басқа критерийлер ескеріледі.
Табиғат Нұрболат
