Нұр-Сұлтанда қазақша күрестен "Қазақстан Барысы-2019" турнирінің жеңімпазы анықталды, деп хабарлайды Prosports.kz.
Биылғы жарысқа еліміздің түкпір-түкпірінен 33 балуан қатысты.
Финалда Шығыс Қазақстан облысының өкілдері күш сынасты. Нәтижесінде Айбек Нұғымаров Ерасыл Қажыбаевты "таза" жеңіп, жеңімпаз атанды.
Турнир чемпионы 25 миллион теңге қанжығалады. Ал оның бапкеріне 3,5 миллион теңге берілді. Сондай-ақ, Нұғымаровқа алтын белбеу мен "Тайтұяқ" жүлдесі табысталды.
Екінші орын алған спортшыға 5 500000 теңге көлемінде сыйлық берілсе, үшінші орынға – 1 800000 теңге.
Олардан бөлек, балуандарға әр жеңіс үшін 100 мың теңгеден беріліп отырды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
