"Қазір 350 мың тонна қор бар. Басқа елдерден қант сұрап жатырмыз. Әлемде негізгі жеткізушілердің бірі – Бразилия, Үндістан және Вьетнам. Бірақ Үндістан да оның көлемі шектеулі, сондықтан біз келіссөздер жүргізіп жатырмыз", – деді ведомство басшысы.
Оның айтуынша, министрлік қордағы 350 мың тоннадан бөлек тағы 100 мың тонна қант сұратқан.
"Қазіргі уақытта Ауыл шаруашылығы министрлігі келіссөздер жүргізіп, индикативті теңгерімдерді сәйкестендіріп, өзіндік есептеулер жүргізіп жатыр. Бұл мәселеге кейін қайта ораламыз", – деді Бақыт Сұлтанов Үкімет отырысынан кейін журналистерге берген сұхбатында.
Сонымен қатар ол 15 шілдеде Беларусьте ЕЭК Кеңесінің кезекті отырысы өтетінін, оның барысында тараптар қант импорты мәселесін қосымша қарастыратынын хабарлады.
