Бірінші вице-министр соңғы 2 айда сырқаттану 2,8 есе, аптасына 33 346 жағдайдан 11 709 жағдайға төмендегенін, ал өлім 4,1 есе, аптасына 761 жағдайдан 184 жағдайға дейін кемігенін мәлімдеді.
"Бұл – жалпы эпидемиологиялық жағдайдың тұрақталғанының белгісі", – деді Марат Шоранов.
Бұдан кейін министрдің бірінші орынбасары Қазақстан эпидахуал көрсеткішімен әлем бойынша қандай орында тұрғанын жариялады.
"Әлемде КВИ-дің 248 млн-нан астам жағдайы тіркелген. Тәулігіне 300 мыңнан астам жағдай анқталып жатыр. 5 млн-нан астам адам қайтыс болды. Дүниежүзілік денсаулық сақтау ұйымы Еуропа өңірінің дерегі бойынша соңғы 2 аптада 53 елдің 45-де сырқаттанудың өсуі байқалады. Әлемдік рейтингке сәйкес, 222 елдің ішінде Қазақстан сырқаттану көрсеткіші бойынша – 105-орында, өлім көрсеткіші бойынша 102 – орында тұр", – деді Марат Шоранов.
Қанат Махамбет
