Қазақстан Еуразиялық экономикалық одақтағы (ЕАЭО) негізгі инвестор және инвестиция алушы болып саналады, деп хабарлайды inbusiness.kz порталы.
Еуразиялық экономикалық комиссия (ЕЭК) баспасөз қызметінің мәліметінше, 2021 жылғы бірінші жартыжылдықта ЕАЭО-да (өткен жылдың ұқсас кезеңімен салыстырғанда) өзара тікелей инвестиция 38%-ға өскен.
"Биылғы бірінші жартыжылдықта өзара инвестиция көлемінің көрсеткіші 2020 жылдың ұқсас кезеңімен салыстырғанда 7,2%-ға артқан. 2021 жылғы екінші тоқсанда өзара тікелей инвестицияның таза ағыны өткен жылдың сәйкес кезеңімен салыстырғанда 254 млн долларға өскен. Қазақстан бұл тоқсанда ЕАЭО-дағы тікелей инвестицияның негізгі инвесторы (40,6 млн доллар) және алушысы (182,9 млн доллар) болды", – деп жазылған хабарламада.
