Мемлекет басшысы Қасым-Жомарт Тоқаев Қазақстан экономикасы санкцияны тойтаруға дайын болу керегін мәлімдеді, деп хабарлайды inbusiness.kz тілшісі.
"Мен Қауіпсіздік кеңесінде санкциялық текетірестің шиеленісуіне байланысты бірқатар жиын өткізіп, елдің тұрақты әлеуметтік-экономикалық дамуын қамтамасыз ету үшін Үкіметке нақты міндеттер жүктедім. Дағдарыс жағдайында үздіксіз жұмыс істеу үшін экономикамыз санкциялық сын-тегеуріндерді тойтаруға дайын болу тиіс. Сын-қатерлер мен қиындықты бәріміз бірге еңсереміз деп ойлаймын. Оларды жеңіл деуге болмайды, бірақ асыра айтуда орынсыз", – деді Президент Nur Otan партиясының кезектен тыс XXII съезінде.
Айта кетейік, осыған дейін Мемлекет басшысы Ресей мен Украина шиелінісіне қатысты пікір білдірген еді.
Дәурен Ерболат
