Финляндияның Рука тау шаңғысы шипажайында өткен 2017/18 маусымдағы фристайл-могулдан әлем кубогының бірінші кезеңі қазақстандық спортшылар үшін тамаша нәтижемен аяқталды. Бұл жайында халықаралық шаңғы спорты федерациясынан мәлім етті, деп хабарлайды ҚазАқпарат.
Олимпиадалық жарыс саналатын "могулдан" ерлер арасында 85,11 ұпай жинаған қазақстандық Дмитрий Рейхерд - екінші, ал тағы бір отандасымыз Павел Колмаков 84,44 ұпаймен үшінші орынды иеленді. Осылайша, спорттың осы түрінен алғаш рет екі қазақстандық әлем кубогы кеңезінде жеңіс тұғырына көтерілді. Ал бұл сайыстың бас жүлдесі 87,45 балл жинаған канадалық спортшы Майкл Кинберриге бұйырды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
