Қазақстан футбол федерациясы логотипі мен атауын өзгертті, деп хабарлайды федерациясының баспасөз қызметі.
2017 жылдың 12 қазан күні Астанада Қазақстан футбол федерациясының XV конференциясы өтті. Шара барысында ұйым атауын өзгерту туралы шешім қабылданды. Енді ұйым аты – Қазақстан футбол федерациясы, ал қысқаша атауы – ҚФФ.
Осыған қоса Қазақстан футбол федерациясының логотипі де өзгеріске ұшырады. Енді ол замануи әрі жинақы. Федерацияның тек атауы қатты өзгерді. Логотиптегі толық атау ҚФФ-ға ауысты. Осылайша ол көзге ерекше көрінеді және оны халықаралық деңгейде де қолдану тиімді.
Ал фирмалық түстер мен негізгі элементтер өзгеріссіз қалды: бүркіт (еркіндік пен тәуелсіздіктің белгісі), доп (футбол) және күн (болашаққа деген шуақты әрі сенімді көзқарас). Жаңа фирмалық стильге ауысу 2017 жылдың соңына дейін жүреді.
