"Қазақстан халқына" қоры 17 тамызға дейін білім гранттарына өтінімдерді қабылдауды бастады. Бұл туралы Бұл туралы Ғылым және жоғары білім министрлігі хабарлады, деп жазады inbusiness.kz.
Бұл бағдарламаға:
Ағымдағы жылы ҰБТ тапсырған (қаңтар, наурыз, негізгі және тамыз ҰБТ сертификаттарының бірін ұсынуға болады) және жоо-ға түсу үшін шекті балдарды жинаған түлектер;
Ауылдық жерлердегі, шағын және моноқалалардағы жағдайы төмен отбасылардан шыққан тұлғалар;
Жетім балалар немесе кәмелетке толғанға дейін ата-анасының қамқорлығынсыз қалған балалар;
Мүгедектігі бар азаматтар;
Мүгедек балаларды тәрбиелеп отырған отбасылар;
2022 жылғы қайғылы қаңтар оқиғалары кезінде қаза тапқан ҚР азаматтарының балалары;
2022 жылғы қайғылы қаңтар оқиғалары кезінде жараланған балалар;
Төтенше жағдайлар кезінде зардап шеккен Қазақстан Республикасының қаза тапқан азаматтарының балалары қатыса алады.
"Бағдарламаға қатысудың шекті жасы толық 29 жасты құрайды. Өтініш беру мерзімі: 10-17 тамыз. Құжаттарды жоғары оқу орындарының қабылдау комиссиялары арқылы тапсыру керек", деп жазылған хабарламада.
Айта кетейік, грант иегері оқуын аяқтағаннан кейін оны өтеуге міндетті емес.
