2024 жылы 19 қыркүйекте "Қазақстан халқына" қоғамдық қоры өзінің донорлары мен серіктестеріне жүгініп, мәлімдеме жасады, деп хабарлайды inbusiness.kz сайты.
"Шабуылшылар қордың веб-сайтында жарияланған жеке деректеріңізді пайдалана отырып, біздің қор басшылығы атынан жасырын түрде жалған хабарламалар жібереді. Сізге қатысты алдау мен қылмыстық әрекеттерді болдырмау мақсатында, қормен және оның өкілдерімен барлық байланыстарды тек қана тексерілген арналар арқылы жүргізуді ұсынамыз", - делінген хабарламада.
Сондай-ақ қордың байланыс арналары нақтыланып көрсетілген:
донорларға арналған электрондық пошта - qoldau@qazaqstanhalqyna.kz.
әлеуметтік желілердегі аккаунттар: Telegram, Facebook, Instagram.
"Егер сіз танымал whatsapp немесе telegram мессенджерлері бойынша күмән туғызатын хабарлама немесе сұрау алсаңыз, оған жауап бермеңіз және ақпаратты тексеру үшін тікелей хабарласыңыз", - деп ұсынады қордағылар.
