Дүние жүзіндегі елдердің IQ деңгейі бойынша рейтингі жарияланды. Тестілеу өткен жылы IQ халықаралық тізілімі платформасында өткізілген, деп хабарлайды inbusiness.kz сайты.
Зерттеу нәтижелеріне сәйкес, елдер арасындағы орташа IQ Шығыс Азияда жоғары. Еуропада, Батыс Азияда, Океанияда, Солтүстік Америкада және Солтүстік Африкада орта деңгейге жақын. Ал Орталық және Оңтүстік Африкада, Латын Америкасында бұл көрсеткіш орташадан әлдеқайда төмен.
Барлық қатысушы 2024 жылы осы сайтта барлығына бірдей IQ тестінен өтті. Елдердің 82,45%-ында IQ көрсеткіштері былтырғыға ұқсас.
2024 жылы 5732 қазақстандық тест тапсырды. Еліміздің орташа IQ көрсеткіші 97,27-құрап, 127 елдің арасында 66-шы орынды иеленді.
Қытай, Иран, Оңтүстік Корея, Жапония, Сингапур және Ресей рейтингте көш бастады. Ондыққа Моңғолия, Аустралия, Армения, Испания кірді.
Зерттеу авторларының сөзінше, әлемдегі IQ-дің орташа көрсеткіші 100-ге тең.
