Астана, Алматы, Қарағанды және Көкшетауда терроризмге қарсы операцияның құқықтық режимі аяқталып, террористік қауіптіліктің орташа "сары" деңгейі жойылды, деп хабарлайды inbusiness.kz сайты.
Терроризмге қарсы күрес жөніндегі республикалық жедел штабтың мәліметінше шешім ШЫҰ-ға мүше мемлекеттер басшыларының саммиті мен Қытай президентінің мемлекеттік сапарының аяқталуына байланысты қабылданған.
"Күзетілетін адамдардың қауіпсіздігін қамтамасыз ету жөніндегі іс-шараларын жүргізу кезінде терроризмге қарсы күрес жөніндегі республикалық жедел штабтың басшысы ретінде "терроризмге қарсы іс-қимыл туралы" заңның 13 және 15-баптарының негізінде Астана қаласында 4 шілдеде 23:59-дан бастап терроризмге қарсы операцияның құқықтық режимін жою туралы шешім қабылдады", - делінген хабарламада.
Террористік қауіп қалыпты "сары" деңгейі Астана, Алматы, Қарағанды және Көкшетау қалаларында жойылғаны көрсетілген.
Күш құрылымдарының бөлімшелері штаттық жұмыс режиміне көшеді.
