Қазақстан мұнай өндірісін қарашадағы деңгеймен салыстырғанда 2017 қаңтарда тәулігіне 30 мың баррельге төмендетті, деп мәлім етті энергетика министрі Қанат Бозымбаев.
"Біз асыра орындадық (ОПЕК-пен келісім аясындағы міндеттемелер), қаңтарда өндіруді 30 мыңнан (тәулігіне баррель – ИФ-К) артық төмендеттік, деді Қанат Бозымбаев Астанадағы баспасөз жиынында. Бұл туралы "Интерфакс-Қазақстан" жазып отыр.
Энергетика министрлігі ақпан айында міндеттердің орындалуы жөніндегі нақты мәлімет бере алмады.
"Ақпанда да орындаймыз деп сенемін, тіпті аздап асып кетсек те, қаңтардағы артық орындағанымызбен өтеледі", – деп атап өтті Қанат Бозымбаев.
Мәлім болғандай, Қазақстан ОПЕК алдындағы міндеттемелеріне сәйкес мұнай өндірісі көлемін тәулігіне 20 мың баррельге қысқартуға тиіс.
