9 мамырында Қазақстан теңіз әкімшілігі порты Қара теңіз аймағындағы кемелерді бақылау жөніндегі өзара түсіністік туралы меморандумның (Қара теңіз меморандумы) бақылаушысы мәртебесіне ие болды, деп хабарлайды ИИДМ баспасөз қызметі.
Тиісті шешім Бургас қаласында (Болгария) өткен Қара теңіз меморандумының порттарында мемлекеттік бақылау комитетінің 20-шы отырысында қабылданды.
Меморандум шеңберінде бірінші кезекте ерекше қауіп төндіруі мүмкін кемелер – мұнай танкерлері, газ тасығыштар, химиялық тасығыштар, сондай – ақ меморандумға қатысушы елдердің порттарында алдыңғы тексерулерде ескертулері бар кемелер бақыланады.
"Қазақстанның Қара теңіз меморандумына қатысуы кемелерді бақылау саласында, оның ішінде Каспий порттарында инспекциялардың интеграцияланған деректер базасын құру, кемелік тексерулердің бірыңғай стандарттары мен әдістерін әзірлеу, порттық қадағалау инспекторларының біліктілігін арттыру мәселелері бойынша практикалық тәжірибе мен озық тәжірибелермен алмасуды жүзеге асыруға мүмкіндік береді", – делінген хабарламада.
Қара теңіз аймағының 6 елінің теңіз әкімшіліктері меморандумға мүше: Ресей, Түркия, Украина, Румыния, Грузия, Болгария.
