Қазақстан Қарулы Күштерінің өкілдері Ливандағы бітімгершілік ротаны тексеруге барды, деп хабарлайды Қорғаныс министрлігінің баспасөз қызметі.
Жауынгерлік даярлық департаментінің басшысы генерал-майор Алмаз Жұмакеев бастаған тексеру тобы қазақстандық бітімгершілік ротасын тексеру мақсатында Ливан Республикасына барды. Топ бітімгершілік ротасының жауапкершілік аймағындағы қазіргі жағдаймен танысып, олардың моральдық-психологиялық жай-күйіне мән берді. Қару мен оқ-дәрілерді тексеріп, сондай-ақ бөлімшелерді алмастыруға қатысты мәселелерді нақтылады.
Айта кетейік, үш жарым айдан бері еліміздің бітімгершілік полкінің 120 әскери қызметкері үндістандық батольон құрамында БҰҰ-ның уақытша Күштері мандатына сәйкес, аймақтағы бейбітшілік пен қауіпсіздікті қолдауға қатысты міндеттерді табысты орындауда.
