/img/tv1.svg
RU KZ
DOW J 25 414,54 FTSE 100 6 565,80
KASE 2 222,59 Hang Seng 26 109,93
РТС 1 299,69 Brent 50,09
Қазақстан-Катар арасындағы тауар айналымы 2 млн долларға жетті

Қазақстан-Катар арасындағы тауар айналымы 2 млн долларға жетті

Qatar Airways еліміздің екі қаласына тұрақты әуе рейсін ашады.

14 Ақпан 2020 13:34 218

Қазақстан-Катар арасындағы тауар айналымы 2 млн долларға жетті

Нұр-Сұлтан-Доха, Алматы-Доха қалаларының арасында наурыз айының соңынан бастап жолаушы және жүк рейстері қатынайды. Қазақстан-Катар жоғары деңгейдегі бірлескен комиссиясының 5-отырысында ұлттық экономика министрі Руслан Дәленов осылай деді. 

«Екі ел арасындағы саяси және экономикалық байланыс тауар айналымының көлемін 2 млн долларға жеткізді. Сауда көлемінің ұлғаюы Қазақстан мен Катар арасында әуе рейстерінің ашылуына негіз болды. Наурыз айының соңынан бастап Qatar Airways әуе компаниясы Доха, Нұр-Сұлтан, Алматы қалаларының арасында жолаушы және жүк рейстерін іске қосады», – деді Руслан Дәленов.

Бұған дейін хабарланғандай, 30 наурызда алғаш рет Доха-Нұр-Сұлтан, 1 сәуірде Доха-Алматы рейсі ұйымдастырылады. Qatar Airways әуе компаниясының «Боинг-787» әуе кемесі 160 жолаушыға қызмет көрсетеді. 

Министрдің мәлімдеуінше, Қазақстан мен Катар арасында инвестиция, қаржы, энергетика, ауыл шаруашылығы салалары бойынша тығыз байланыс орнаған. 

«Болашақта екіжақты тауар айналымының көлемін ұлғайту мәселесі талқыланып жатыр. Біз барлық бағытта ынтымақтастық орнатуға мүдделіміз», – деді Руслан Дәленов.

Қанат Махамбет 

inbusiness.kz-ті қараңыз, оқыңыз :

Жыл бойында 14 жаңа әуе рейсі ашылады

Алматы-Париж рейсі биыл іске қосылады.

18 Ақпан 2020 17:12 89

Жыл бойында 14 жаңа әуе рейсі ашылады

Былтыр елімізде 12 жаңа халықаралық әуе рейсі ашылған. Ал биыл олардың саны тағы 14 рейспен толығады. Индустрия және инфрақұрылымдық даму вице-министрі Берік Камалиев ведмоствоның алқа мәжлісінде осындай мәлімет айтты. 

«Еліміздің әуе кеңістігіне Qatar Airways, AirAsia, Israir Airlines, SalamAir, LOT  және басқа да ірі компаниялардың енуін күтіп отырмыз. Бұл компаниялар Алматыны Доха, Маскат, Куала-Лумпур сияқты қалалармен тікелей жалғайды. Сондай-ақ қазақстандықтар Алматыдан Мумбай мен Парижге де тікелей қатынайтын болады. Мұның бәрі 2019 жылдың  қарашасынан бері енгізілген үш жылдық «ашық аспан» режимінің асында іске асады», – деді Берік Камалиев.

Ол, сондай-ақ, «ашық аспан» режимінің үш жылдық мерзімі қатып қалған меже емес екенін де айтты. Қажеттілік болса, оның уақытын созуға толық мүмкіндік бар көрінеді.

Al Rayan Bank «Астана» халықаралық қаржы орталығынан бөлімше ашады

Шетелдік банктің бөлімшесі digital банкинг қызметін ұсынады. 

14 Ақпан 2020 16:23 141

Al Rayan Bank «Астана» халықаралық қаржы орталығынан бөлімше ашады

Катардың Al Rayan Bank ислам банкі «Астана» халықаралық қаржы орталығына тіркеледі. Қазақстан-Катар жоғары деңгейдегі бірлескен комиссиясының 5-отырысында Катардың сауда және индустрия министрі Әли Бен Ахмад әл-Кауари осылай деді. 

«Al Rayan Bank «Астана» халықаралық қаржы орталығынан бөлімше ашуға әрекеттеніп жатыр. Бұл бөлімше digital банкинг қызметін ұсынбақшы. Таяу арада келісімге қол қойылып, жұмыс басталады деп үміттенеміз», – деді Әли Бен Ахмад әл-Кауари.

«Астана» халықаралық қаржы орталығы ислам қаржысы департаментінің 
жетекшісі Әлібек Нұрбековтың түсіндіруінше, қазір Al Rayan Bank тіркеу және лицензия алу үдерісінен өтіп жатыр. 

«Астана» халықаралық қаржы орталығына тіркелгеннен кейін Al Rayan Bank ел аумағында қызмет көрсете бастайды. Бұл – Таяу Шығыстағы беделді банк. Оның Ұлыбританияда да бөлімшесі бар», – деді Әлібек Нұрбеков.

Департамент жетекшісінің сөзінше, Al Rayan Bank ауыл шаруашылығы, тау-кен металлургия сынды салаларды қаржыландыруы мүмкін.  

Қанат Махамбет 

Жаңалықтарға жазылу: