Қазақстан осы жылдың қазан айына дейін Қытайға 5 млрд текше метр газ жөнелтеді. Бұл туралы "ҚазМұнайГаз" ұлттық компаниясының басқарма төрағасы Сауат Мыңбаев айтты, деп хабарлайды altaynews.kz.
"Газды экспорттау "ҚазМұнайГаз" компаниясына пайда әкеліп қана қоймай, ішкі нарықтағы газды жеткізуге байланысты шығындарды жабады. Осылайша газ тасымалдау ісінің барлық шығынының орнын 2030 жылы емес, 2023 жылы-ақ толтырмақпыз", – дейді екен Сауат Мыңбаев "Қазақстанская правда" газетіне берген сұхбатында.
Баршаға мәлім, Қытайға газды экспорттау ісі 2017 жылы басталып кеткен болатын. Шамамен, одан 1 млрд доллар пайда түседі деп күтілуде. Биыл 5 млрд текше метр газ экспортталса, бұл сан келер жылы 10 млрд текше метрге жетеді екен.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
