2025 жылдың 1 қаңтарынан бастап алты ай мерзімге Қазақстаннан мұнай өнімдерінің жекелеген түрлерін Еуразиялық экономикалық одақтың кедендік аумағынан тыс жерлерге шығаруға тыйым ұзартылады, деп хабарлайды inbusiness.kz сайты.
"2025 жылғы 1 қаңтардан бастап алты ай мерзімге Қазақстан Республикасының аумағынан Еуразиялық экономикалық одақтың кедендік аумағынан тыс жерге жеңіл дистилляттарды (2710 12 110 1 – 2710 12 310 0, 2710 12 700 0 – 2710 12 900 8 ЕАЭО СЭҚ ТН кодтары), авиакеросиндер және дизель отыны (2710 19 110 0 – 2710 19 460 0 ЕАЭО СЭҚ ТН кодтары), газойль (2710 20 110 0 – 2710 20 190 0 ЕАЭО СЭҚ ТН кодтары), толуола, ксилола (2902 30 000 0, 2902 41 000 0, 2902 42 000 0, 2902 44 000 0 ЕАЭО СЭҚ ТН кодтары), мұнай битумы (2713 20 000 0 ЕАЭО СЭҚ ТН коды) әкетуге тыйым салу енгізілсін", – делінген құжатта.
Мұнай өнімдерін ЕАЭО шеңберінен тыс экспорттауға тыйым салу келесілерге мүмкіндік береді:
1) Қазақстанның мұнай өңдеу зауыттарындағы (МӨЗ) тоқтап тұрған қуаттарды жартылай фабрикаттарды қайта өңдеу есебінен іске қосуға және, тиісінше, елдегі жанар-жағармай материалдарының (ЖЖМ) тапшылығын азайтуға;
2) Бажсыз жеткізілім шарттарын орындауға және импортталған мұнай өнімдерінің қайта экспортталуын болдырмауға.
Бұйрық жобасы "Ашық НҚА" сайтында жарияланды. Құжатты көпшілік талқылау 10 желтоқсанға дейін жалғасады.
