Түркияның Ыстанбұл қаласында өткен кикбоксингтен жастар мен жасөспірімдер арасындағы Әлем Кубогында ел құрамасы 20 алтын, 13 күміс, 28 қола медаль жеңіп алды, деп хабарлайды inbusiness.kz тілшісі ҚР Мәдениет және спорт министрлігі баспасөз қызметіне сілтеме жасап.
Ел құрамасы жалпыкомандалық есепте екінші орынға ие болды. Бірінші орын Түркия, ал 3-орын өзбекстандықтарға бұйырды.
Кикбоксингтің бірнеше түрі бойынша өткен жарысқа 42 мемлекет өкілі қатысты.
Айта кетейік, кикбоксингтен мемлекеттік жаттықтырушы - Нұрболат Рысмағанбетов.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
