Қазақстан қор биржасында (KASE) сауда-саттықтың басталуы тағы кейінге қалдырылды, деп жазды inbusiness.kz.
Енді аталған операциялар сағат 14:00-ге жоспарланып отыр.
Бұдан бұрын қор нарығындағы сауда-саттықтың басталуы техникалық себептерге байланысты сағат 11:00-ден 12:00-ге шегерілген болатын.
"Сауда-саттықты бастау уақытының өзгеруі KASE сауда-клиринг жүйесінің жұмысындағы техникалық ақауға байланысты", – деп жазылған хабарламада.
Биржа KASE-нің басқа нарықтарындағы сауда-саттық тұрақты режимде өткізілетінін хабарлайды.
Алайда kurs.kz мәліметтеріне сүйенсек, Нұр-Сұлтандағы ақша айырбастау пункттері бейсенбі күні доллар мен еуро сатуды тоқтатты.
Ақша айырбастау орындарында доллар бағамы қымбаттауын жалғастыруда. Сағат 12:20-дағы орташа сараланған бағам 469-474 теңге.
Еске сала кетсек, 24 ақпан KASE-де алғашқы мәміле 442 теңге бағамы бойынша жасалды.
Құралай Құдайберген
