Министр вирус өршіген кезеңде коронавирус инфекциясы штаммының жаңа нұсқасы қайта-қайта пайда бола бергенін, тәулігіне 7 800 адам вирус жұқтырған уақыт тіркелгенін баяндады.
"КВИ бойынша профилактикалық және эпидемияға қарсы іс-шараларды дер кезінде жүргізу аурудың таралу қарқынын тежеуге және елдегі эпидемиологиялық жағдайды тұрақтандыруға ықпал етті", – деді Алексей Цой.
Бұдан кейін министр қазір ел өңірлері қандай аймақта тұрғанын еске салды.
"Алматы, Ақтөбе, Шығыс Қазақстан, Батыс Қазақстан, Қарағанды, Қостанай облыстары – "сары", Атырау, Жамбыл, Қызылорда, Маңғыстау, Түркістан және Шымкент қалалары – "жасыл", Ақмола, Павлодар, Солтүстік Қазақстан, Алматы және Нұр-Сұлтан қалалары – "қызыл" аймақта тұр", – деді Алексей Цой.
Қанат Махамбет
