Президент суды сегіз пайызға жуық үнемдеуге мүмкіндік берген мысалдар барын жеткізді, деп хабарлайды inbusiness.kz сайты.
– Біз қоғамда ресурстарды үнемдеп пайдалану мәдениетін қалыптастыру маңызды екенін талай жылдан бері айтып келеміз. Бірақ азаматтарға үндеу тастау жеткіліксіз. Бұдан бөлек, ресурстарды тұтынудың әлеуметтік нормаларын енгізу қажет.
Үлгі етуге болатын жақсы мысалдар бар. Мысалы, дәл осындай ұстаным ай сайын суды сегіз пайызға жуық үнемдеуге мүмкіндік берді. Бұл – аса маңызды. Себебі Қазақстанда ғана емес, бүкіл Орталық Азияда су тапшылығы күшейіп тұр. Сондықтан, суды үнемдейтін технологияларды пайдалану мәселесі – өте өзекті, – деді Мемлекет басшысы.
Қасым-Жомарт Тоқаев Қытайдың су үнемдеуге қатысты әлемдік деңгейдегі озық технологиясы барын және олардың тәжірибесін бөлісуге дайын екенін атап өтті. Өкініштісі сол, оған біздің жақ құлықсыз болып отыр.
"Үкіметке осы шаруамен белсенді айналысып, 1 маусымға қарай жұмыс барысы туралы есеп беруді тапсырамын" деп қатаң ескертті Президент.
