Қазақстан жалпы сомасы 1 млрд 150 миллион еуро болатын еурооблигацияның екі траншын сатылымға шығарды. Олардың айналым мерзімі, тиісінше, 7 және 15 жыл, ал купон ставкасы, сәйкесінше, 0,6 мен 1,5 пайыз. Бұл туралы қаржы министрлігі хабарлады.
Құнды қағаздар Лондон биржасында әрі "Астана" халықаралық қаржы орталығында орналастырылды. 25 қыркүйекте өткен прайсингтің нәтижелері бойынша өтінімдер кітабы шамамен 3 млрд еуроға жеткен. Сөйтіп, 110 инвестор сатып алуға құлық танытыпты.
Айта кетсек, соңғы рет еліміз өткен жылдың қараша айында еуробондтар нарығына шықты. Ол кезде жалпы көлемі 1 млрд еуро болатын 2 транш орналастырылды. Еуро түріндегі бондтар алғаш рет орналастырылған, оған дейін Қазақстан сыртқы нарықта тек доллармен жұмыс істеді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
