/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 384,89 Brent 36,55
Қазақстан құрамасы жаттығуға оралуда

Қазақстан құрамасы жаттығуға оралуда

Жақын арада ұлттық құрама спортшылары оқу-жаттығу жиындарын қайта бастайды.  

01 Маусым 2020 21:21 156

 Қазақстан құрамасы жаттығуға оралуда

Жаттығу жиындары кезең-кезеңімен және барлық белгіленген қауіпсіздік шараларының толық сақталуын қамтамасыз ететін спорт базаларында ғана өтеді, деп хабарлайды olympic.kz сайты.

Спортшылар жаттығу жиынына қатыспас бұрын қауіпсіздік мақсатында COVID-19 вирусына сынақ тапсырады.  

Қазақстан Ұлттық Олимпиадалық Комитеті ұлттық федерациялармен бірлесіп, Олимпиадалық спорт түрлері бойынша ұлттық құрамалардың мүшелеріне арналған оқу-жаттығу жиындарын кезең-кезеңімен қайта бастау туралы шешім қабылдады. ҰОК жанынан оқшауланған жоғары сапалы оқу процесін ұйымдастыру және бақылау үшін жедел штаб құрылып, Спорт дирекциясының басшысы Елсияр Қанағатов жетекшілік етуде. 

«Карантин кезінде жаттығу жиындарын қайта бастау үшін ҰОК, федерациялар мен спорттық базалар әкімшілігі бірлесіп еңбектенді. Спортшылардың қауіпсіздігін сақтау үшін барлық қатаң іс-шаралар қолданылады. Төтенше жағдай кезінде біздің команда спортшылары түгелдей оқшауланып, үй жағдайында жаттығу жасады.  Алайда, елдгі төтенше жағдай режимі алынған соң, команда мүшелері олимпиада жолдамасына таласу үшін күнделікті жаттығуға кірісуі қажет. Әрине, біз үшін спортшылардың денсаулығы бірінші орында қала береді. Сол себепті, команда мүшелеріне сапалы әрі қауіпсіз жаттығу процесін ұйымдастыруға міндеттіміз. Бұл ахуалдың оңай еместігін бәрі де түсінеді, сондықтан, қызығушылық танытқан тараптарға бірлесе атқарған қызметі үшін алғыс айтамыз», – дейді Елсияр Қанағатов. 

ҰОК аккредитациясынан өткен мамандандырылған спорттық базалар  Қазақстан Республикасы мемлекеттік Бас санитар дәрігерінің 10.05.2020 жылы шығарылған №36 спорттық нысандар, базалар және залдардың жұмыс істеу Алгоритмі,  «Қазақстан Республикасы тұрғындары арасында коронавирус инфекциясының алдын алуға байланысты іс-шараларды әрі қарай қаталдату» туралы Қаулысына сай санитарлық-дезинфекциялы режимді қатаң сақтағанда ғана оқу-жаттығу жиындарын өткізуге рұқсат алады. 

Оқу-жаттығу жиындары кезінде нысандардың дайындығы мен талапқа қаншалықты сай келетіндігін Жедел штаб қатаң бақылауда ұстайды. 

Оқу-жаттығу жиындары кезіндегі тәуекел мен байланысты азайту мақсатында ҰОК спортшыларды қабылдайтын спорттық нысандарға арнап арнайы оқшаулау іс-шараларын дайындады. Базаға ҰСК мүшелерінен басқа адамдардың кіруіне жол жоқ. Спортшылармен байланысатын қызмет көрсетуші тарап та команда мүшелеріне секілді оқшауланады. 

База ішіндегі жұмыстарды атқаратын өзге де қызметкерлердің кез келген спортшымен байланысқа түсуіне тыйым салынады. Оқу-жаттығу жиынадарына қатысатын ҰСК-ның барлық мүшелері оқшауланады. Әртүрлі команда мүшелерімен байланысқа түсуге тыйым салынады. Сондай-ақ, спортшылар мен қызметкерлерді күніне бірнеше рет дәрігер тексереді. Ғимарат бекітілген кестеге сәйкес спортшылар жоқ кезде дезинфикцияланады.  

Ұлттық құрама командаларға да қатаң талап қойылды. Базаға келген барлық команда мүшелері бірнеше күн бойы карантин режимінен өтуге міндетті. Содан соң, ПЦР және КВИ-ге қатысты тестілеуден өтеді. Аталған кезеңдерден өткен спортшылар ғана оқу-жаттығу жиынына жіберіледі. Жаттығу жиынына қатысатын барлық тұлғалар (спортшылар, бапкерлер мен қызметкерлер) қажетті жеке қорғану құралдарымен жеткілікті көлемде қамтамасыз етіледі. 

«Ақбұлақ» Олимпиадалық орталығындағы алғашқы жаттығу жиынын боксшылар бастайды. Қазіргі таңда база санитарлық-эпидемиологиялық сақтық шараларын сақтап, толық дайындықтан өтті. Нысандарда санитарлық нормаларды сақтауға қатысты тексеру жұмыстары жүргізілді. 

Боксшылар жиыны аяқталған соң, оқу-жаттығу жиынына өзге командалар жіберіледі.

«ALTYN SAMǴAÝ-2019» жүлдесіне билеттер сатыла бастады

Бүгін www.ticketon.kz сайтында билеттер сатылымға түсті.  

30 Қазан 2019 20:34 510

 «ALTYN SAMǴAÝ-2019» жүлдесіне билеттер сатыла бастады

Қазақстан Ұлттық Олимпиадалық комитеті дәстүр бойынша жылды ұлттық спорттық жүлдемен қорытындылайды, деп хабарлайды olympic.kz.

Қазақстан ҰОК жанкүйерлерге жылдың ең маңызды жүлдесіне қатысты бірнеше тосынсый дайындады.

Биыл бірінші рет #teamKZ-тің адал жанкүйерлері Спорттық жүлдеге қатысуға, құрама мүшесі атануға, сүйікті спортшыларымен қауышуға мүмкіндік алады. Жанкүйерлер 2019 жылғы Қазақстан спортының басты жетістіктерінің авторы атанған үздік спортшыларды, жаттықтырушылар мен құрама командалардың салтанатты марапаттау шарасына куә болады.

Марапаттау рәсімі «Ninety One», НаZима,  «Молданазар» тобы, Қуандык Рахым және басқа да отандық эстарада жұлдыздарының қатысуымен өтеді.

 «Биыл Қазақстан ҰОК өз жанкүйерлері үшін көптеген тосынсыйлар дайындап жатыр. Біз жүлденің дәстүрлі «атрибуттарын» - спортшылардың «қызыл кілемін», дауыс беру мен марапаттау рәсімін қалдырдық. Енді жанкүйерлер оны теледидардан көріп қана қоймай, сонымен қатар елдің басты спорттық марапатына қатыса алады. Еліміздің танымал жұлдыздарының қатысуымен өтетін концерттік бағдарлама да ерекше болады. Тосынсыйға толы шараны көзбен көрген жақсы. Біз елорданың барлық тұрғындары мен қонақтарын, біздің #teamKZ-тің барлық жанкүйерлерін күтеміз», – деп атап өтті еліміздің ҰОК баспасөз қызметі.

Үздік спортшыларды анықтау форматы өзгеріссіз, әдеттегідей, Қазақстан Ұлттық Олимпиадалық комитетінің www.olympic.kz ресми сайтында дауыс беру арқылы анықталады.  

15 қарашадан бастап ҰОК ресми сайтында барлық үміткерлердің 2019 жылғы жетістіктері көрсетілген толық ақпарат ұсынылады.

Еске сала кетейік, «Altyn Samǵaý-2019»  спорттық жүлдеде паралимпиадалық спорт түрлерінің өкілдері де қатысады.

Салтанатты шара 30 қараша күні сағат 18:00-де «Қазақстан» орталық концерт залында өтеді. 2019 жылғы Ұлттық Спорттық жүлденің бас ақпараттық серіктесі «Хабар» арнасы.

#teamKZ жанкүйері бол! «Altyn Samǵaý-2019» жүлдесіне кел!
 

Қазақстан мен Қырғызстанның бірлескен тактикалық арнайы оқу-жаттығуы мәресіне жетті

Екі елдің арнайы мақсаттағы бөлімшелерінің оқу-жаттығуы «Эдельвейс» оқу-жаттығу орталығының базасында аяқталды. 

06 Қыркүйек 2019 14:50 602

Қазақстан мен Қырғызстанның бірлескен тактикалық арнайы оқу-жаттығуы мәресіне жетті

Теориялық және практикалық сабақтар барысында екі елдің әскери қызметшілері таулы, тактикалық арнайы даярлық элементтерін пысықтап, әскери топография мен байланысты ұйымдастырудағы білімдерін жетілдірді, деп хабарлайды Қорғаныс министрлігінің баспасөз қызметі.

Таудағы дайындық маңызды практикалық кезең болды. Қазақстан Қарулы Күштері әскери қызметшісінің айтуынша, біздің жеке құрам сақтандыруды пайдалана отырып, тауға өрмелеу мен түсу, сондай-ақ таулы жерде қозғалу бойынша жаттығуларды сапалы пысықтады.

Одан басқа, екі елдің әскери бөлімшелері құрама жасақ құрамында қарсыластың барлауына дайындалу және жүргізу, заңсыз қарулы құралымдарды оқшаулау бойынша арнайы операцияны орындады.

«Ыстықкөл – Аңырақай-2019» оқу-жаттығуы бірлескен жұмыста екі елдің бөлімшелерінің шынайы жауынгерлік әзірлігін,  үйлесімділігін бағалауға мүмкіндік берді.  

Қазақстан Қарулы Күштерінің атынан оқу-жаттығуға екі арнайы мақсаттағы топ және бір броньдалған топ қатысты. Барлығы 30-ға жуық әскери қызметші.

Қазақстан мен Қырғызстан Қарулы Күштері бөлімшелерінің мұндай бірлескен жұмысының форматы жиі түрде жүргізіліп тұратынын айта кеткен жөн.   Өткен жылы «Аңырақай-2018» оқу-жатығуына екі мемлекеттің 300-ден аса әскери қызметшісі қатысты.