/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 384,89 Brent 36,55
Қазақстан Қытайға қарсы майдан аумағына айналмауға тиіс – Қасым-Жомарт Тоқаев

Қазақстан Қытайға қарсы майдан аумағына айналмауға тиіс – Қасым-Жомарт Тоқаев

ҚР Президенті Қасым-Жомарт Тоқаевтың пікірінше, халықаралық құқық қорғау ұйымдары Қытайда тұрып жатқан этникалық қазақтар төңірегіндегі жағдайды ушықтырып отыр.

04 Желтоқсан 2019 16:30 319

Қазақстан Қытайға қарсы майдан аумағына айналмауға тиіс – Қасым-Жомарт Тоқаев

«Біріншіден, Шыңжаңда Қытай Халық Республикасының азаматтары өмір сүріп жатыр. Халықаралық құқық қорғау ұйымдары жариялап жатқан мәліметтердің көбі шындыққа жанаспайды. Қалай болғанда да, осы тақырыптың төңірегінде этникалық қазақтарға қатысты ахуалды әдейі ушықтыру жұмысы жүріп жатыр».  – деді Қасым-Жомарт Тоқаев Deutsche Welle басылымына берген сұхбатында.

«Қытайдың Шыңжаң елдімекенінде ислам дінін ұстанатын ұйғырлар мен қазақтар «саяси тәрбиелеу лагерьлеріне» қамалуда деген ақпарат бойынша Қазақстан Қытай басшылығымен қандай да бір келіссөздер жүргізіп жатыр ма» деген сұраққа Қазақстан Президенті осылай деп жауап берді.

«Біз бұның геосаясаттың бір пұшпағы екенін түсініп отырмыз. Өйткені қазір Қытай мен АҚШ арасында сауда соғысы жүріп жатыр. Келіссөздердің қалай аяқталады, Қытайға салынған санкция күшін жоя ма жоқ па? Оны уақыт көрсетеді.Бірақ Қазақстан Қытайға қарсы майдан аумағына айналмауы тиіс» – деп басып айтты Қасым-Жомарт Тоқаев 

Президент Германия сапарында 2 млрд доллардың келісіміне қол қояды

Мемлекет басшысы Қасым-Жомарт Тоқаев ресми сапармен Германияға барды.  

05 Желтоқсан 2019 21:53 254

Президент Германия сапарында 2 млрд доллардың келісіміне қол қояды

Қасым-Жомарт Тоқаев ресми сапармен Германияға барды. Қазақстан Президентін канцлер Ангела Меркель әлемдегі ең көрікті әрі ірі үкімет штабтарының бірі Федералдық канцлер ведомствосында қарсы алды, деп хабарлайды Atameken Business.

Салтанатты рәсімнен кейін, мемлекет басшылары келіссөздер өткізу үшін ғимаратқа бет алды. Кездесуде екіжақты қарым-қатынастардың жай-күйі мен даму перспективаларын талқыланады.

Сондай-ақ Қазақстан Германиямен құны 2 млрд доллар болатын келісімге қол қояды. Бұл жайында Қасым-Жомарт Тоқаев неміс телеарнасына берген сұхбатында айтқан еді. Президенттің сөзінше, машина жасау және ресурстарды өңдеу жағынан көшбасшы саналатын неміс инвесторларын елге тарту көзделген. Оларға экономикалық аймақ ұсынып, барлық жағдай қарастырылады деді. Ертең Президент Германиядағы белгілі саясаткерлер және қоғам қайраткерлерімен кездеседі.

Сондай-ақ, Берлин Еуразиялық клубының 28-ші отырысына қатысады. Айта кетейік, Мемлекет басшысының лауазымына кіріскелі шет елге жасаған бұл бесінші сапары болып саналады.

Қасым-Жомарт Тоқаев Германияға ресми сапармен барды

Бүгін Президент Канцлер Ангела Меркельмен келіссөздер өткізеді. 

05 Желтоқсан 2019 15:44 166

Қасым-Жомарт Тоқаев Германияға ресми сапармен барды

Мемлекет басшысы Қасым-Жомарт Тоқаев Германияға ресми сапармен барды. Бұл туралы Президенттің баспасөз қызметі хабарлады.

«Бүгін Қазақстан Президенті Канцлер Ангела Меркельмен келіссөздер өткізеді. Мемлекеттер басшылары екіжақты қарым-қатынастардың жай-күйі мен даму перспективаларын талқылайды. Қасым-Жомарт Тоқаев сапар барысында Президент Франк-Вальтер Штайнмайермен және ГФР-дің белгілі саясаткерлерімен кездеседі»,– деп жазды баспасөз хатшысы Берік Уәли facebook желісінде.

Сондай-ақ, Мемлекет басшысы 6 желтоқсан күні Берлин Еуразиялық Клубының 28-отырысына қатысып, сөз сөйлейді, бірқатар неміс компанияларының басшыларымен кездесу өткізеді.