ҚР Көлік министрлігінің Автомобиль жолдары комитеті (АЖК) ұсынған мәліметтер мен "ҚазАвтоЖол" ҰК" АҚ деректері сәйкес келмейді, деп хабарлайды Inbusiness.kz сайты.
"2021 жылы ел Президенті Қазақстан халқына Жолдауында мемлекеттік аппарат бірыңғай тетік ретінде жұмыс істеуге міндетті екенін атап өтті. Алайда, 2023 жылғы жылдық есептің нәтижелері бойынша біз мемлекеттік аппараттың бірлік қағидатын ұстануға қабілетсіздігін көріп отырмыз. Мәселен, ҚР Көлік министрлігінің Автомобиль жолдары комитеті ұсынған мәліметтер мен "ҚазАвтоЖол "ҰК" АҚ деректерінде сәйкессіздіктер бар. АЖК деректері бойынша, Республикалық маңызы бар жолдардың 92%-ы қанағаттанарлық/жақсы жағдайда, ал "ҚазАвтоЖол" ҰК" АҚ-ның деректері жолдардың тек 72%-ы туралы куәландырады. Сонымен қатар, жоғарыда аталған адамдар жолдардың қанағаттанарлық / жақсы жағдайын қандай критерийлер бойынша белгілегені белгісіз", - деді мәжіліс депутаты Магеррам Магеррамов.
Дүниежүзілік Банктің 2023 жылға арналған деректері бойынша Қазақстан логистика тиімділігінің индексі бойынша 139-дан 84-орынды алады.
"Жоғарыда айтылғандардың негізінде шығындардың сандық көрсеткіштерінен сапаға, тиімділікке және түпкілікті нәтижелерге назар аударатын уақыт келді деп санаймыз", - деп түйіндеді депутат.
