Қазақстан негізінен Беларусьтен азық-түлік өнімдерін – ет және сүт өнімдерін импорттайды, деп хабарлайды inbusiness.kz тілшісі finprom.kz-ке сілтеме жасап.
Қазақстан мен Беларусь арасындағы тауар айналымы бір жылда 15,7%-ға өсіп, 2021 жылғы қаңтар-желтоқсанда 858,7 млн АҚШ долларын құрады.
ЕАЭО тауар айналымындағы Беларусь пен Қазақстанның үлесі 3,6%-дан 3,3%-ға дейін төмендеді, ал еліміз жалпы тауар айналымының үлесі үшінші жыл қатарынан 0,8%-ды құрайды.
2021 жылғы қаңтар-желтоқсанда Қазақстан Республикасынан Беларусьқа экспорт көлемі 97,6 млн АҚШ долларын құрады, бұл 2020 жылдың сәйкес кезеңімен салыстырғанда 26,3%-ға артық. Қазақстан мен Беларусь арасындағы тауар айналымындағы экспорт үлесі 9,7%-дан 11,4%-ға өсті.
2021 жылы Қазақстан Беларуське 1,9 млн тонна тас көмір, 3,6 мың тонна ферроқорытпа, 2 мың тонна шикі мырыш және т.б. экспорттады.
Қазақстан экспортының жалпы көлемінде Беларуське экспорттың үлесі небәрі 0,2%-ды құрады.
2021 жылғы қаңтар-желтоқсанда Қазақстанға импорттың жалпы көлемінде Беларусьтің үлесі 1,8%-ды құрады. Бұл ретте импорт көлемі 761,1 млн долларға жетіп, 2020 жылдың сәйкес кезеңімен салыстырғанда 14,5%-ға өсті.
2021 жылы Беларусьтан елімізге 25,5 мың тонна ет және ішімдік, 20,9 мың тонна сүт пен кілегей, 18,9 мың тонна үй жиһазы және т.б. экспортталды.
Құралай Құдайберген
