/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 384,89 Brent 36,55
Қазақстан мен Нидерланд командалары арасында Дэвис Кубогінің іріктеу матчы өтеді

Қазақстан мен Нидерланд командалары арасында Дэвис Кубогінің іріктеу матчы өтеді

Өткізілгелі жатқан іріктеу ойындары қазақстандық теннисшілердің әлемнің үздік командаларының қатарында болуға лайықты екенін дәлелдеуге мүмкіндік береді.

26 Ақпан 2020 16:14 244

Қазақстан мен Нидерланд командалары арасында Дэвис Кубогінің іріктеу матчы өтеді

6-7 наурызда Нұр-Сұлтан қаласындағы Ұлттық теннис орталығында Дэвис Кубогінің іріктеу кезеңі өтеді. Қазақстан құрамасы Нидерланд құрамасымен кездеседі, деп хабарлайды қала әкімдігінің ресми сайты.

Ел намысын Александр Бублик, Михаил Кукушкин, Андрей Голубев, Александр Недовесов және Дмитрий Попко қорғайды. Оларға Уэсли Кулхоф, Жан-Жульен Ройер, Робин Хаасе, Таллон Грикспур, Ботик ван де Зандшульп қарсы тұрады.

Спорттық турнирдің бағдарламасына сәйкес, 29 ақпан сағат 14:00-де «Mega Silk Way» сауда орталығында жанкүйерлермен кездесу өтеді. Шара барысында балаларға арналған шеберлік сабағы ұйымдастырылады.

3 наурыз сағат 12:30-да Нидерланд құрамасының, ал сағат 13:15-те Қазақстан құрамасының қатысуымен баспасөз конференциясы өтеді.

Жеребе тарту 5 наурызға жоспарланған.

6 наурызда турнирдің салтанатты ашылу рәсімінен кейін 14:00-де матч басталады.

7 наурызда қос команданың кездесуі сағат 12:00-де жалғасады.

Айта кетсек, Дэвис Кубогі жүз жылдан астам тарихы бар ерлер теннисіндегі ірі халықаралық командалық жарыс болып табылады. Ол 1900 жылдан бастап жыл сайын өткізіліп келеді. Кубоктің қазіргі иегері – Испания құрама командасы.

Қазақстан ерлер құрамасы осы беделді турнирдің ширек финалына бірнеше рет шықты. Былтыр Португалия командасын жеңгеннен кейін, құрама 18-24 қарашада жаңа форматта Мадридте өткен Дэвис Кубогінің финалдық кезеңіне өтті. Испания астанасында Қазақстан құрамасы бірінші ойын күні Нидерланд командасын 2:1 есебімен жеңді, бірақ Ұлыбританиядан 1:2 есебімен ұтылып, плей-оффқа шыға алмады.

Теннистен Қазақстан мен Нидерланд командалары арасында турнир өтеді

 7 наурыз күнгі кездесулерден соң турнир өз мәресіне жетпек.  

29 Ақпан 2020 14:13 179

Теннистен Қазақстан мен Нидерланд командалары арасында турнир өтеді

2020 жылдың 6-7 наурызы аралығында Нұр-Сұлтандағы теннис орталығында Қазақстан мен Нидерланд командалары арасында Дэвис кубогіне іріктеу турнирі өтеді, деп хабарлайды Olympic.kz. 

Қазақстан командасы сапында Александр Бублик, Михаил Кукушкин, Андрей Голубев, Дмитрий Попко, Александр Недовесовтер сынға түседі. 

3 наурыз күні қос команда қатысуымен баспасөз мәслихаты өтеді.  5 наурызға жеребе тарту рәсімі жоспарланған. 

6 наурыз күні турнир ресми түрде ашылып, алғашқы кездесу өтеді. 

 

Бокстан Токио Олимпиадасына іріктеулер қай қалаларда өтетіні белгілі болды

2020 жылдың ақпаны мен мамыры аралығында бокстан төрт аймақтық іріктеу турнирі мен әлем чемпионаты өтеді.

31 Тамыз 2019 15:34 524

Бокстан Токио Олимпиадасына іріктеулер қай қалаларда өтетіні белгілі болды

Бокстан 2020 жылғы Олимпиада ойындарына іріктеу турнирлерін ұйымдастыратын арнайы жұмыс тобы лицензиялық жарыс өтетін қалаларды анықтады, деп хабарлайды olympic.kz. 

2020 жылдың ақпаны мен мамыры аралығында бокстан төрт аймақтық іріктеу турнирі мен әлем чемпионаты өтеді. Аталған турнирлер арқылы боксшылар Токио Олимпиадасының жолдамасына таласпақ. 

Бокстан Олимпиада ойындарына іріктеу турнирлері: 

Азия/Океания: ВУХАН, Қытай, 3-14 ақпан 2020 жыл

Африка: ДАКАР, Сенегал, 20-29 ақпан 2020 жыл; 

Еуропа: Лондон, Ұлыбритания, 13-23 наурыз 2020 жыл;

Америка: Буэнос-Айрес, Аргентина, 26 наурыз - 3 сәуір 2020 ж;

Бокстан әлем чемпионаты 13-24 мамыр аралығында Францияның Париж қаласында өтеді.