Қазақстан мен Өзбекстанның авиациялық билік органдарының қол жеткізген келісімдері нәтижесінде ек ел арасындағы әуе рейстерінің жиілігі артатын болды, деп хабарлайды ҚР ИИДМ Азаматтық авиация комитетінің баспасөз қызметі.
2019 жылғы көктемгі-жазғы навигация басталысымен "Эйр Астана" мен O‘zbekiston Havo Yo‘llari әуекомпаниялары Алматы мен Ташкент бағытындағы рейстерді аптасына 7-ден 10-ға дейін және Астана – Ташкент бағытындағы рейстерді аптасына 4-тен 6-ға дейін көбейтеді.
Осылайша, Қазақстан мен Өзбекстан арасындағы әуе рейстерінің жалпы саны аптасына 22-ден 32 рейске дейін артты. Ұшулар E190 және A320 типті ұшақтарда орындалады.
Әуе рейстерінің көбеюі, екі бауырлас ел арасындағы қарым-қатынасты одан әрі нығайтуға, сондай-ақ Өзбекстандағы Қазақстан жылын табысты өткізуге мүмкіндік береді.
