Түркістан облысының әкімдігі Өзбекстанның туризмді дамыту жөніндегі мемлекеттік комитетінің қолдауымен Ташкент және Бұқара қалаларында Өзбекстандағы Қазақстан жылы аясында Road show ұйымдастырылды, деп хабарлайды әкімнің баспасөз қызметі.
Іс-шараға туризм саласындағы мемлекеттік мекеме өкілдері және 70-тен астам туристік ұйым қатысты. Онда Түркістан облысының туристік әлеуеті таныстырылып, Өзбекстанның туристік өкілдері зор қызығушылық танытты. Нәтижесінде, туристік ұйымдар арасында 10-нан астам келісімдерге қол қойылып, бірлескен туристтік маршруттар ұйымдастыруға келісті.
Сондай-ақ облыс делегациясы Ташкент қаласында "Сузук-ота" қолөнер шеберлері орталығы және Бұқара қаласында "Базори корд" темір ұсталар мен "Пойи калон" тоқыма шеберлер орталығы жұмыстарымен танысып, бірқатар келісімге келді.
"Сузук-ота" қолөнер шеберлері орталығы 5 га аумақта орналасқан. 2017 жылы құрылысы басталып 2019 жылдың мамыр айында пайдалануға берілді. Орталықта 30-дан астам шеберхана жұмыс істейді. Негізгі бағыты – ағаш өңдеу және ағаш бұйымдарын жасау.
"Сузук-ота" тарихта Қожа Ахмет Ясауидың ең сүйікті немересі болған.
"Базори корд" темір ұсталар мен "Пойи калон" тоқыма шеберлер орталығында 100-ден астам шебер орналасқан.
