DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 314,56 Brent 36,55
Қазақстан мен Польшаның Сыртқы істер министрлері бір-біріне алғыс айтты

Қазақстан мен Польшаның Сыртқы істер министрлері бір-біріне алғыс айтты

Яцек Чапутович Польшаның 19 азаматының Қазақстаннан Варшаваға қайтуына көрсетілген көмек үшін ризашылығын жеткізді. 

25 Наурыз 2020 20:29 153

Қазақстан мен Польшаның Сыртқы істер министрлері бір-біріне алғыс айтты

2020 жылғы 25 наурызда Қазақстан Сыртқы істер министрі Мұхтар Тілеуберді мен Польшаның Сыртқы істер министрі Яцек Чапутович телефон арқылы сөйлесті, деп хабарлайды СІМ баспасөз қызметі.

Әңгімелесу барысында поляк сыртқы саяси ведомствосының басшысы Польшаның 19 азаматының Қазақстаннан Варшаваға қайтуына көрсетілген көмек үшін ризашылығын жеткізді. Өз кезегінде, Министр М.Тілеуберді Қазақстанның 207 азаматын елге қайтару барысында көрсетілген қолғабыс үшін поляк әріптесіне алғыс білдірді.

Ү.ж. 23 наурызда Польшаға жіберілген «Скат» қазақстандық әуекомпаниясының арнайы чартерлік рейсімен Қазақстанда қалып қойған поляк азаматтары да жолданған болатын.

Сұхбат соңында, тараптар екіжақты ынтымақтастықты, соның ішінде «COVID-19» коронавирус пандемиясы салдарынан орын алған дағдарыстық жағдайды жеңу бойынша жаһандық күш салысу шеңберінде одан әрі нығайтуға уағдаласты.

Телефон арқылы сөйлесуге поляк тарапы бастамашы болды.
 

inbusiness.kz-ті қараңыз, оқыңыз :

444 қазақстандық елге оралды

Олардың көпшілігі – Ресейде білім алып жатқан студенттер.

05 Мамыр 2020 16:41 112

444 қазақстандық елге оралды

Шетелде қалған 444 қазақстандық еліне оралды. SCAT әуе компаниясы Мысыр, Чехия, Грузия, Түркия, Үндістан, Польша және Ресей Федерациясынан жолаушыларды жеткізді, деп хабарлайды ҚазАқпарат тілшісі әуе компаниясының баспасөз қызметіне сілтеме жасап.

«1 мамырда «Мәскеу – Алматы» және «Мәкеу – Нұр-Сұлтан» бағытындағы рейстер келді. 3 мамырда «Санкт-Петербор – Ақтау – Шымкент» бағытындағы рейстер орындалды. Барлығы 444 қазақстандық Отанына оралды. Олардың көпшілігі – Ресейде білім алып жатқан студенттер», – деді аталған әуе компаниясының баспасөз қызметінен.

Бұл рейстер Ресейдегі Қазақстан елшілігінің арқасында жүргізілді.

«SCAT ҚР ДСМ мен ДДҰ ұсыныстарын қатаң ұстанады. Әр рейс сайын экипаж салоны мен жолаушылар салоны залалсыздандырылады. Багаж, орындықтар, жиналмалы үстелдер, қауіпсіздік белдіктері, әжетхана бөлмесі арнайы дезинфекциялаудан өтеді», – деді әуе компаниясынан.

24 қазақстандық Тәжікстаннан елге жеткізілді

Қазақстан тарапы Тәжікстанның 23 азаматының отанына оралуына көмек көрсетті.

28 Наурыз 2020 18:10 148

24 қазақстандық Тәжікстаннан елге жеткізілді

Қорғаныс министрлігі мен Сыртқы істер министрлігінің, сондай-ақ Тәжікстанның мемлекеттік органдарының бірлескен күш-жігерімен бүгін осы мемлекеттен біздің отандастарымыз елге оралды, деп хабарлады СІМ баспасөз қызметі.

«Қазақстанның Әскери-әуе күштерінің әскери-көлік авиациясының қолдауымен 24 ҚР азаматы елге аман-есен шығарылды. Бұл азаматтар Тәжікстан аумағында болған және тәжік билігі қатаң шектеу шараларын енгізгеннен кейін шыға алмай қалған. Осы борт арқылы Тәжікстанның 23 азаматы өз отанына оралды»,– деп хабарлама таратты СІМ баспасөз қызметі.

Жаңалықтарға жазылу: