Қазақстан мен Түркия теміржол тасымалын дамыту туралы меморандумға қол қойды

1117

АО "KTZ Express" және Pasifik Eurasia Lojistik Dış Ticaret A.Ş арасында қол қойылған құжат операциялық шығындарды төмендетіп,  бәсекегеқабілеттігін қамтамасыз етеді және контейнерлік сервистің сапасын арттыруды қарастырады.   

Қазақстан мен Түркия теміржол тасымалын дамыту туралы меморандумға қол қойды

Стамбұл қаласында (Түркия) өткен қазақстандық-түркиялық бизнес форумы шеңберінде "KTZ Express" АҚ ("ҚТЖ" ҰК" АҚ еншілес ұйымы) мен Pasifik Eurasia Lojistik Dış Ticaret A.Ş арасында Қазақстан аумағы арқылы "Оңтүстік дәлізі" бойынша тасымалдарды дамытуға бағытталған Ынтымақтастық туралы меморандумға қол қойылды, деп хабарлайды   "Қазақстан темір жолы" ҰК" АҚ баспасөз қызметі.

Форум Сауда-экономикалық ынтымақтастық жөніндегі қазақстандық-туркиялық үкіметаралық комиссияның 10-отырысына қатысу үшін Қазақстан Республикасы Премьер-Министрі Асқар Маминнің Түркияға сапары шеңберінде ұйымдастырылып отыр.

Шараның мақсаты – Түркия мен Қазақстан бизнесінің іскерлік байланыстарын нығайту үшін платформа құру, инвестиция мен сауда, логистика саласындағы ынтымақтастықтың перспективаларын талқылау.

АО "KTZ Express" және Pasifik Eurasia Lojistik Dış Ticaret A.Ş арасында қол қойылған құжат операциялық шығындарды төмендету жолымен "Оңтүстік дәліздің" бәсекегеқабілеттігін қамтамасыз етеді және активтерді бірлесе пайдалану есебімен ұсынылып отырған контейнерлік сервистің сапасын арттыруды қарастырады.  

Бүгінгі таңда Қазақстан мен Түркияның көлік-логистикалық саладағы ынтымақтастығы белсенді қарқынмен дамуда. Осылайша, 2019 жылдың 9 айында контейнерлік тасымал көлемі 5,4 мың ЖФБ құрап, 2018 жылдың сәйкес кезеңімен салыстырғанда 2,2 мың ЖФБ немесе 69% артты.  

Атап айтқанда, 2019 жылдың қазанында "ҚТЖ" ҰК" АҚ Қытай, Әзірбайжан, Грузия және Түркия теміржол әкімшіліктерімен серіктесе Босфор бұғазы астындағы Мармарай туннелімен өтетін Транскаспий көлік дәлізі бойынша жүретін Сиань – Стамбұл – Прага бағыты бойынша балама контейнерлік сервис іске қосылды. 

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу