Стамбул қаласында Қазақстан мен Түркияның іскери топтары бас қосқан инвестициялық бизнес-форум болып өтті, деп хабарлайды silteme.kz.
Ақпарат көзінің дерегінше, аталған шараны Қазақстан жағынан Қазақстан Республикасының Инвестициялар және даму министрлігі, "Атамекен" Қазақстан Ұлттық кәсіпкерлер палатасы, Қазақстанның сыртқы сауда палатасы және еліміздің Түрік Республикасындағы елшілігі ұйымдастырған. Ал Түркия жағынан Түрік Республикасының Экономика министрлігі, Түркияның сыртқы сауда байланыстары комитеті ұйымдастырған.
Форумға екі елдің 100-ге жуық ірі және орта компанияларының өкілдері қатысқан.
Шара барысында B2B форматында кәсіпкерлер арасында әралуан салалар бойынша келіссөздер жүргізілді.
Айта кетейік, форум соңында Қазақстанның инвестициялық мүмкіндіктері туралы баяндамалар жасалып, екі жақты байланыстардың перспективалары талқыланды.
