Бұл туралы Экономикалық зерттеулер институты хабарлады.
Қазақстан мен Вьетнам арасындағы тауар айналымының көлемі 2023 жылдың бірінші жартыжылдығында 610,9 млн АҚШ долларын құрады және 2022 жылдың бірінші жартыжылдығына қатысты 3,5 есеге - 174,7 млн АҚШ долларына дейін ұлғайды.
Бұл ретте, Қазақстаннан экспорт көлемі 4,7 есеге - 24,6 млн АҚШ долларынан 117,7 млн-ға дейін өсті. Импорт көлемі 3,3 есеге - 150,1 млн АҚШ долларынан 494,2 миллионға дейін артты.
2023 жылы Қазақстаннан Вьетнамға экспорттың негізгі көлемі мырышқа тиесілі болды - жеткізу көлемі 83,4 млн АҚШ долларын немесе жалпы отандық экспорттың 71,5%-ін құрады. Өткен жылдың осы кезеңінде Қазақстаннан Вьетнамға мырыш жеткізілмегенін атап кеткен жөн. Экспорт көлемі бойынша екінші орында тазартылған қорғасын орналасқан, оған барлық экспорттың 27,7%-і тиесілі. Қорғасын экспортының көлемі 32,3 млн АҚШ долларын құрады және былтырғы көрсеткішке қатысты 5,2 есе өсті.
Қазақстаннан темірден немесе тазартылмаған болаттан, асбесттен, темекіден, парашюттерден, кендерден және сурьмиялық концентраттардан жасалған жалпақ илем экспорты толығымен тоқтады.
Вьетнамнан Қазақстанға импорт смартфондарды жеткізу есебінен 3,8 есеге – 67 млн-нан 254 млн АҚШ долларына дейін ұлғайды. Мысалы, импорттағы смартфондардың үлесі 51,4%-ті құрайды. Сонымен қатар, түрлі – түсті бейне мониторларының жеткізілімдері айтарлықтай өсті - 59 мыңнан 71,2 млн АҚШ долларына дейін (1200 есе), бұл жарты жылдағы барлық импорттың 14,4%-ін құрайды.
