"Алдын ала жасалған қорытынды бойынша, 9 айда 67 млн тонна мұнай өндіріліп, жоспар 101,7%-ға орындалды", – деді энергетика бірінші вице-министрі Махамбет Досмұхамбетов.
Оның сөзінше өндірілген мұнайдың 40,6 млн тоннасы Қашаған, Теңіз және Қарашығанақ мұнай-газ кеніштерінен алынған. Қашаған –10,1 млн, Теңіз – 22 млн, Қарашығанақ – 8,5 млн тонна мұнай берген.
Бірінші вице-министрдің мәлімдеуінше, мұнай-газ секторы оң нәтиже көрсетіп тұр. Биыл елімізде 89 млн тонна мұнай өндірілуге тиіс.
"Есептік кезеңде 41,8 млрд текше метр газ өндірілді. Жоспар артығымен орындалып, 102,3%-ды көрсетті", – деді Махамбет Досмұхамбетов.
Қанат Махамбет
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
