2017 жылдың қаңтар-қазан аралығында Қазақстанның мұнай экспорты 21 млрд долларды (55,9 млн тонна) құрады, деп хабарлайды LS.
Өткен жылдың балама кезеңімен салыстырғанда экспорт көлемі 38,6% -ға өсті.
Қазақстанның ең ірі сатып алушысы Италия болып отыр. Бұл ел 7 млрд долларға мұнай сатып алған. Аталған елге мұнай жеткізу көлемі қаңтар-тамыз айларымен салыстырғанда 20,8 пайызға артты.
Голландия - 2,9 млрд долларға, Швейцария - 1,9 млрд долларға, Франция - 2,3 млрд долларға шикізат сатып алған. Сонымен қатар, Испанияға экспорт 1 млрд долларды құрады. Ал Грекияға - 695,8 млн долларға, Румынияға - 675,1 млн долларға, Қытайға - 642,8 млн долларға, Португалияға - 441,8 млн долларға шикізат тасымалданды.
Сондай-ақ, Хорватияға, Кореяға, Үндістанға және басқа да елдерге мұнай жеткізілді.
