Белгілі болғандай, біздің ел әлемдік рейтингіде ауру жұқтыру көрсеткіші бойынша 221 мемлекеттің арасында 108-орында, ал өлім көрсеткіші бойынша 107-орында тұр, деп хабарлайды inbusiness.kz.
"Жоғары эпидемиологиялық тәуекел аумағында 10 өңір, атап айтқанда Нұр-Сұлтан, Алматы қалалары, Ақмола, Ақтөбе, Атырау, Батыс Қазақстан, Қарағанды, Қызылорда, Маңғыстау және Павлодар облыстары тұр. Бүгін орташа эпидемиологиялық тәуекел аймағына Жамбыл, Шығыс Қазақстан, Алматы және Қостанай облыстары кіреді. "Жасыл" аймаққа – Түркістан, Солтүстік Қазақстан облыстары орналасты", – деді Алексей Цой.
Министрдің мәлімдеуінше, науқастанудың күнделікті динамикасы наурыз айының соңындағы 46%-дық өсімнен 8%-ға төмендеді.
"Соңғы аптада оның алдындағы аптамен салыстырғанда өлім-жітім өсімі 30%-дан 8%-ға дейін төмендеді", – деді Алексей Цой.
Қанат Махамбет
