2018-2019 жылдардың қорытындысына сүйенсек, отандық өсімдік майының басым бөлігі Қытайға экспортталған. Өткен жылы ҚХР Қазақстан шығарған барлық (31 мың тонна) зығыр майын сатып алған. Бұл 2017-2018 жылдардың осы кезеңімен салыстырғанда 1,5 есеге жоғары көрсеткіш.
Бұдан бөлек Қазақстан экспортқа шығарған рапс майының 93%-ын, яғни 45 мың тоннасын да Қытай сатып алған. Аталған көрсеткіш 2017-2018 жылдармен салыстырғанда 2,4 есе жоғары.
Сонымен қатар, 2018-2019 жылдары еліміз шетелге экспорттаған сұйық майдың 36% -ын Қытай сатып алған. Бұл өткен 2017-2018 жылдарға қарағанда 8%-ға төмен көрсеткіш. Осылайша көрші елге 25 мың тонна отандық сұйық май жөнелтілген. Ал соя майын Қытайға экспорттау көлемі керісінше 24%-ға төмендеген. 2018-2019 жылдары көші елге 1,6 мың тонна өнім сатылыпты. Бұл жалпы соя майын шетелге экспорттау бойынша Өзбекстаннан кейінгі екінші орын.
