Коронавирус пандемиясына қарамастан өте бай адамдардың саны соңғы он екі ай ішінде өскен, деп хабарлайды Inbusiness.kz порталы Knight Frank компаниясының байлық туралы есебіне сілтеме жасап.
Нақтырақ айтқанда, байлығы 30 миллион доллардан асатын адамдардың саны 2,4%-ға артқан, 520 мыңға жеткен. Бұл тенденция әсіресе Азия елдерінде байқалып отыр. 2025 жылға дейін бұл аймақта өте ауқатты адамдар саны 169 мыңға дейін, Еуропада 189 мыңға дейін артады деп болжанып отыр. Қазақстан бұл рейтингте жетінші орынға жайғасты, бір жылда бұл көрсеткіш 33%-ға өскен.
Компанияның есебі бойынша, UHNWI немесе капиталында 30 млн доллардан көп қаражаты бар адамдардың 2025 жылға қарай 27%-ға көбейеді. Осы уақытқа дейін өте бай адамдар саны бойынша АҚШ бірінші орында болады: 254 мың адам немесе UHNWI санының 38%-ы.
Табиғат Нұрболат
