Бұл туралы Сыртқы істер министрлігінде өткен бриыингте, ведомстаның ресми өкілі Айбек Смадияров мәлімдеді, деп хабарлайды inbusiness.kz.
"14-19 қараша аралығында Ташкент қаласында бірлескен Қазақстан-Өзбекстан демаркациялық комиссиясындағы Қазақстан Республикасы мен Өзбекстан Республикасы үкіметтік делегацияларының 100-ші отырысы өтті.Тараптар Қазақстан-Өзбекстан мемлекеттік шекарасын шегендеу туралы шарттың жобасын және аталған шартқа қосымша болып табылатын шекараны демаркациялаудың қорытынды құжаттарының жобаларын қол қоюға дайындады. Сонымен қатар, тараптар бірлескен Қазақстан-Өзбекстан демаркациялық комиссиясының жұмысы туралы қорытынды хаттамаға қол қойды. Келіссөздер достық пен өзара түсіністік сипатында өтті", - деді Айбек Смадияров.
