Ұлттық қауіпсіздік комитетінің Шекара қызметі Өзбекстан Республикасымен шекарадағы жекелеген өткізу пункттерінде адамдар мен көлік құралдарының жиналуы тіркеліп жатқанын хабарлайды, деп жазады inbusiness.kz сайты.
Бұл жағдай "Жібек жолы" өткізу пунктінде бұл іргелес аумақтағы "Гишт Куприк" бақылау-өткізу бекетінде құрылыс жұмыстары мен жол төсемінің кеңейтілуімен байланысты. Сондай-ақ қазақстандық "Тәжен", "Атамекен" және "Қазығұрт" шекара өткелдерінде қайта жаңарту жұмыстары жүргізілуде, ал "Қапланбек" бақылау өткізу пункті осы себептермен жабық.
"Мемлекеттік шекара арқылы басқа өткізу пункттері шаттық режимде жұмыс істеп тұр. Өз маршруттарыңызды алдын ала жоспарлауды сұраймыз", - делінген ҰҚК баспасөз қызметі таратқан хабарламада.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
