Қазақстан Республикасының Өзбекстан Республикасындағы Төтенше және Өкілетті Елшісі Бейбіт Атамқұлов Қазақстанның бизнес өкілдерін Өзбекстанның мақта-тоқыма саласындағы тәжірибесіне назар аударуға шақырды. Бұл туралы ол Астанада өткен Қазақстан-Өзбекстан іскерлік кеңесінің 6-шы отырысында айтты, деп хабарлайды inbusiness.kz сайты.
"Жеке өзім бірқатар өңірді аралап, мақта-тоқыма кластерін көрдім. Олардың саны 800-ден асады. Жалпы бұл секторда 1500-ге жуық кәсіпорын жұмыс істейді. Қазақстанға бұл тәжірибе қажет. Бұл алаңнан бастап экспортқа дейінгі өте терең өңдеуді қамтиды", - деді Бейбіт Атамқұлов.
Айта кету керек, былтыр Қазақстан мен Өзбекстан арасындағы өзара алыс-беріс көлемі 4,4 млрд доллар болғанын жазған болатынбыз.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
