Биыл алғаш рет отандық компьютерлер мен ноутбуктар Солтүстік Қазақстанда жинала бастады, деп хабарлайды Atameken Business. Ол үшін 6 млрд 700 млн теңге қаржы қарастырылған. Болжам бойынша 2022 жылдан бастап өзіміздің техника қолданысқа толық шығарылады әрі бағасы да арзан болмақ. Бірақ оған сену қиын. Неге десеңіз, себебі іске келгенде отандық өнімдеріміз шетелдерден әкелінетіннен әлдеқайда қымбат болып шығады. Соның салдарынан болса керек, әлі де дүкен сөрелері мен базарларда отандық өнім аз. Карантин тағы қатаңдатылып, шекара жабылса, Қазақстан өзін қажетті тауарлармен қамтамасыз ете ала ма? Оны кезінде ауыл шаруашылығы министрінің орынбасары қызметін атқарған, қазірде АӨК Қазақстандық Іскерлік Кеңесі басшылығының өкілі Арман Евниевтен білеміз.
