/img/tv1.svg
RU KZ
DOW J 29 238,15 Hang Seng 27 643,95
РТС 1 538,53 KASE 2 340,49
FTSE 100 7 437,55 Мыс 5 743,06
Қазақстан Президенті Кувейттің Премьер-Министрі шейх Сабах Халид әл-Хамад ас-Сабахпен кездесті

Қазақстан Президенті Кувейттің Премьер-Министрі шейх Сабах Халид әл-Хамад ас-Сабахпен кездесті

Кездесу соңында Қасым-Жомарт Тоқаев Кувейттің Премьер-Министрін Қазақстанға сапармен келуге шақырды.  

15 Ақпан 2020 17:04 122

Қазақстан Президенті Кувейттің Премьер-Министрі шейх Сабах Халид әл-Хамад ас-Сабахпен кездесті

Қасым-Жомарт Тоқаевтың Мюнхендегі жұмыс сапарының екінші күні Кувейттің Премьер-Министрі шейх Сабах Халид әл-Хамад ас-Сабахпен кездесуден басталды, деп хабарлайды Ақорда баспасөз қызметі.

Мемлекет басшысы екі елдің мемлекетаралық байланыстарының достық сипатын және оның қарқынды дамып келе жатқанын атап өтіп, екіжақты және көпжақты форматтағы өзара ынтымақтастықты нығайту үшін әлеуеттің жеткілікті екеніне назар аударды.

«Біз Ислам ынтымақтастығы ұйымы аясында сенімді серіктеспіз. Қазақстанның астанасы Нұр-Сұлтан қаласында Ислам ұйымының азық-түлік қауіпсіздігі жөніндегі штаб-пәтері ашылды. Бұл да біздің өзара ықпалдастығымызға тың серпін береді», – деді Мемлекет басшысы.   

Қасым-Жомарт Тоқаев 2019 жылғы қаңтарда «Жусан» гуманитарлық операциясын жүзеге асыру кезінде әскери-әуе базасын пайдалану мәселесін шешуге көмектескені үшін Кувейт үкіметіне ризашылық білдірді. 

Сонымен қатар Қазақстан Президенті екі елдің экономикалық ықпалдастығының, соның ішінде құрылыс, энергетика, ауыл шаруашылығы, қаржы, инвестиция және туризм салаларының әлеуеті зор екенін атап өтті.

Кувейттің Премьер-Министрі Қазақстанмен байланыстарды нығайтудың перспективаларына жоғары баға берді.

«Елдеріміз арасындағы сауда-экономикалық, инвестициялық, мәдени-гуманитарлық, туристік бағыттарда ынтымақтастық орнату үшін үлкен әлеует бар», – деді Кувейт үкіметінің басшысы.

Шейх Сабах Халид әл-Хамад ас-Сабах екі ел арасындағы сауда-экономикалық ынтымақтастық жөніндегі үкіметаралық комиссияның алдында маңызды міндеттер тұрғанын атап өтті. Ол комиссияның алдағы уақытта өтетін 4-отырысында Қазақстан-Кувейт қатынастарын жаңа деңгейге шығаруға мүмкіндік беретін жаңа әдістер әзірленетініне сенім білдірді.

Кездесу соңында Қасым-Жомарт Тоқаев Кувейттің Премьер-Министрін Қазақстанға сапармен келуге шақырды. 

inbusiness.kz-ті қараңыз, оқыңыз :

Ел президенті Қасым-Жомарт Тоқаев Элизабет Тұрсынбаеваны жеңісімен құттықтады

Элизабет Тұрсынбаева Жапониядағы әлемдік сында күміс жүлде иеленді. Сондай-ақ, әйелдер арасында төрттік сальховты тұңғыш орындаған спортшы ретінде тарихта қалды.

23 Наурыз 2019 01:42 619

Ел президенті Қасым-Жомарт Тоқаев Элизабет Тұрсынбаеваны жеңісімен құттықтады

Қазақстан президенті Қасым-Жомарт Тоқаев мәнерлеп сырғанаудан әлем чемпионатында күміс медальге ие болған Элизабет Тұрсынбаеваны құттықтады.

«Элизабет Тұрсынбаева мәнерлеп сырғанаудан Әлем чемпионатының күміс жүлдегері болды! Тарихта алғаш рет төрттік секіруді орындады! Жарайсың! Құттықтаймын!»,– деп жазды президент өзінің Twitter-дегі микроблогында.

Ал ҚР мәдениет және спорт министрі Арыстанбек Мұхамедиұлы: «Біздің Элизабет Тұрсынбаева ӘЧ екінші орынды жеңіп алды! Қуанышта шек жоқ!  ӘЧ Элизабет әлемде тұңғыш рет төрт айналымға секіру элементін орындады. Осы жеңіспен Элизабетті, оның ата-анасын, бапкері Этери Тутберидзені шын жүректен құттықтаймын! Барша қазақстандықтарды біздің мәнерлеп сырғанаушымыздың сенсациялық жеңісімен құттықтаймын!», – деп сүйінші сұрады.
Айта кетсек, Элизабет Тұрсынбаева Жапонияның Сайтама қаласындағы әлемдік сында жалпы есебі 224.80 ұпай жинап, тұғыр биігіне көтерілді. 

Сондай-ақ, әйелдер арасында төрттік сальховты тұңғыш орындаған спортшы ретінде тарихта қалды.

Нұрсұлтан Назарбаевқа «Халық қаһарманы» атағы берілді

ҚР президенті өкілеттігін қабылдаған Қасым-Жомарт Тоқаев Елбасыға «Алтын жұлдыз» орденін тапсырды. Ол Қазақстан қол жеткізген барлық жетістіктері мен табыстары, қасиетті тәуелсіздігі үшін президент Нұрсұлтан Назарбаевқа борышты деп есептейді.

20 Наурыз 2019 12:41 527

Нұрсұлтан Назарбаевқа «Халық қаһарманы» атағы берілді

Фото: Серікжан Қобыланбаев

Бүгін Республика президенті Қасым-Жомарт Тоқаев ҚР Тұңғыш Президенті - Елбасы Нұрсұлтан Назарбаевқа «Халық қаһарманы»  атағын берді.

Бүгін ҚР парламенті палаталарының бірлескен отырысында ҚР президенті өкілеттігін қабылдаған Қасым-Жомарт Тоқаевқа Президент куәлігі, омырауға тағатын белгісі және байрағы, «Алтын қыран» ордені тапсырылды.

Салтанатты жиында Қасым-Жомарт Тоқаев сөз алып, президент ретіндегі алғашқы тапсырмаларды жүктеді. Ол Елбасы Нұрсұлтан Назарбаевқа «Халық қаһарманы» атағын беруді ұсынды. 

Қазақстанның тұңғыш президенті Нұрсұлтан Назарбаевтың отставкаға кету туралы шешімі елдің болашағын шынайы ойлаумен қабылданған шешім, деп есептейді Қазақстан президенті Қасым-Жомарт Тоқаев. 

«Елбасының бұл ерікті шешімі жаһандық деңгейдегі және тарихи ауқымдағы саяси қайраткер ретіндегі ұлылығының айқын көрінісі. Бұл шешім біздің мемлекеттің келешегін шынайы ойлаудан туындаған шешім. Қазақстан қол жеткізген барлық жетістіктері мен табыстары, қасиетті тәуелсіздігі үшін президент Нұрсұлтан Назарбаевқа борышты», – деді Қасым-Жомарт Тоқаев парламент палаталарының бірлескен отырысында сөйлеген сөзінде.

Жаңалықтарға жазылу: